ထို သုံးဦး

ပထမ တဦးက ဇာတိ ဒုက္ခကို ဖြစ်စေတယ်။
ဒုတိယ တဦးကတော့ ဇရာဒုက္ခကို ဖြစ်စေတယ်။
နောက်ဆုံး တဦးကတော့ မရဏဒုက္ခကို ဖြစ်စေပါတယ်။

သူတို့ သုံးဦးဟာ ------------ လောဘ၊ ဒေါသ၊ မောဟ။

သူတို့ တွေ အကြောင်းနဲ့  ပတ်သက်ပြီးတော့ ဓမ္မဒူတ အရှင်ဆေကိန္ဒ ဟောကြားတော် မူသော "တရားအားထုတ် တယ်ဆိုတာ" တရားတော်မှ ကောက်နှုတ်ဖော်ပြပေးပါ့မယ်။

- ဘယ်အာရုံကို ဂရုစိုက်ပြီး အားထုတ်အားထုတ်... ပထမဆုံး လောဘ နည်းနည်းသွားရမယ်။ ပြီးတော့ လောဘ ပါးပါး လာပြီး နောက်ဆုံး လောဘ မရှိဘဲ ဖြစ်ရမယ်။ နိဗ္ဗာန်ရောက်ချင်ရင် လောဘ မဖြစ်အောင် လုပ်ရမယ်။
စားတယ်ဆိုတာ အသက်ရှင်ဖို့ အတွက် စားရတာပါ။ ဘာကိုမှ စားချင်တယ်ဆိုပြီး ဖြစ်လာတဲ့အခါ စားချင်တာ ကို စားရဖို့ အတွက် ဈေးဝယ်ရ၊ ချက်ပြုတ်ရတဲ့ ဒုက္ခတွေ ပါလာပါတယ်။
လောဘကင်းနေတဲ့လူက အိပ်သင့်တဲ့အခါ အိပ်လိုက်တာနဲ့ အိပ်ပျော်ပါတယ်။ တရားအားထုတ်ပြီး အိပ်မပျော် ဖြစ်နေတာ မတရားပဲ။ စားမ၀င်ဖြစ်ရင်လည်း မတရားပဲ။ အိပ်မပျော်အောင် လုပ်တာက ကိလေသာပါ။ မထချင် အောင်လုပ်တာကလည်း ကိလေသာပါပဲ။ လောဘဟာ လူကို အနေရခက်အောင်လည်း လုပ်ပါတယ်။
လောဘဆိုတာ အယူချည်းပဲ ရှိပါတယ်။ မိမိစိတ်မှာ လောဘမရှိအောင် လုပ်တာသည် တရားအားထုတ်တာပါ ပဲ။ မယူချင်ဘဲ ပေးချင်စိတ်ရှိရပါတယ်။ မလှူချင်လည်းလှူ၊ လှူချင်လည်းလှူ၊ နောက်ကျရင် မလှူဘဲကို မနေနိုင် ဖြစ်လာပါလိမ့်မယ်။
တရားထိုင်ရင်းနဲ့  လောဘမဖြစ်အောင် နေတာလည်း တရားအားထုတ်တာပါပဲ။ အိမ်ယာထူထောင် လူတို့  ဘောင်မှာနေသော်လည်း လောဘ မဖြစ်အောင်နေတာလည်း တရားအားထုတ်တာပါပဲ။
လောဘ နည်းဖို့ အတွက်ဆို လောဘကို ကြောက်တတ်ရပါမယ်။ လောဘကို ကြောက်ခါမှ အလောဘကို အားကိုးမိလာမယ်။ လောဘဟာ ဇာတိဒုက္ခကို ဖြစ်စေတယ်။ အလောဘဟာ ဇာတိဒုက္ခကို ကင်းစေနိုင်ပါတယ်။ ဒါကြောင့် မပေးချင်တာကိုလည်း ပေးနိုင်အောင်၊ ပေးနေတာကိုလည်း ပိုလို့  ပေးနိုင်အောင်၊ ကြိုးစားရပါတယ်။ ပေးနေတဲ့ ပုဂ္ဂိုလ်အတွက် မြင်မြင်သမျှဟာ ပေးချင်စရာပါ။ နေရာတိုင်းမှာ ကျင့်ကြံလို့ ရတဲ့ တရားအားထုတ် နည်းပါ။ လောဘမရှိရင် ဘာတွေ့သလဲမေး.. လောဘ မဖြစ် စရာချည်းပဲ တွေ့ပါတယ်။
လိုချင်တိုင်း မရဘူး။ ဖြစ်ချင်တိုင်းလည်း မဖြစ်ဘူး။ လောဘမီးဟာ ဒေါသမီးကို မွှေးပေးပါတယ်။ လိုချင်သလို ဖြစ်လာပြန်တော့ မာနမီးကို မွှေးပေးပြန်ပါတယ်။
*လောဘဟာ ဇာတိ ဒုက္ခဖြစ်စေပါတယ်။ ဒါကြောင့် လောဘကင်းအောင် နေပါ*

- တရားအားထုတ်တဲ့စိတ်မှာ ဒေါသမဖြစ်အောင် နေရပါတယ်။ မကျေနပ်တာ မဖြစ်အောင် နေရပါမယ်။ ဒေါသကြီးတဲ့ပုဂ္ဂိုလ်ဟာ ငါးပါးသီလ လုံတော့ဘူး။ ကိုယ့်မှာ ဒေါသမရှိရင် သူများအသက်သတ်ရဲတယ်။ ဒေါသ ဖြစ်တဲ့လူဟာ ဘယ်လိုမှ သီလ မစောင့်နိုင်ဘူး။
ဒေါသဖြစ်ရင် အဒေါသဖြစ်အောင်လုပ်။ သီလစောင့်၊ သီလမလုံချင်လည်း လုံအောင်စောင့်၊ လုံရင်လည်း ပိုလုံအောင်နေ၊ ဒေါသနည်းဖို့  ဒေါသကို ကြောက်ဖို့ လိုတယ်။ ဒေါသရဲ့ ဆိုးကျိူးတွေကို ဆင်ခြင်သိရမယ်။
*ဒေါသဟာ ဇရာဒုက္ခကို ဖြစ်စေပါတယ်။ ဒါကြောင့် ဒေါသကင်းအောင် နေပါ။*

- လောဘ၊ ဒေါသ မကင်းတာ လောဘဆိုးမှန်း၊ ဒေါသဆိုးမှန်း မသိလို့ ပါ။ ဘာလို့ မသိတာလဲဆိုရင် အမောဟ မရှိလို့ ၊ မောဟအားကြီးနေလို့ ပါ။ မောဟဟာ မသိစိတ်ပါ။ မောဟဟာ လောဘမီးကို ဖြစ်စေတယ်။ ဒေါသမီးကို ဖြစ်စေပါတယ်။
*မောဟဟာ မရဏဒုက္ခကို ဖြစ်စေပါတယ်။ ဒါကြောင့် မောဟကင်းအောင်နေပါ။*

လောဘ၊ ဒေါသ၊ မောဟ ကင်းအောင်နေခြင်းဟာ တရားအားထုတ်ခြင်း ဖြစ်ပါတယ်။

( ဆရာတော်ဟောကြားတဲ့တရားကို မှတ်သားပြီး စီလျော်အောင် ပြန်စီရေးထားပါတယ်။ လောဘအကြောင်းပဲ အရှည်ဖော်ပြထားပါတယ်။ အကြောင်းက လောဘ၊ဒေါသ၊မောဟ သုံးမျိူးလုံးကို ၄င်းတို့ ရဲ့ ဆိုးကျိူးကို သိရှိပြီး ပယ်နိုင်ဖို့ လိုပါတယ်။ ဆိုးကြောင်းသိရင် မလုပ်မိဖို့ ပါပဲ။ )


မေတ္တာဖြင့်
ထိပ်ထား

နှိုင်းလို့ မရ တုလို့ မနိုင်

စစ်ကိုင်းတောင်ရိုး ဂန္ဓာရုံ ဆရာတော်ကြီးသည် ကျောင်းနားမှာရှိတဲ့ ကျောက်ဂူကြီးထဲတွင် သုံးနှစ် သုံးမိုး တံခါး ပိတ်ပြီး တရားအားထုတ်သည်။ တပည့်တွေက ဆွမ်းချိူင့်ပို့ ပေးပါသည်။ တနေ့ ကျတော့ ဆရာတော်ကြီးက ဆွမ်း မစားတော့။ ဒီတော့ တပည့်တွေက ဆရာတော်ကြီး နေမကောင်းဖြစ်နေတယ် ဆိုတာ သိကြသော်လည်း ဆရာ တော်ကြီးကို ကြောက်ရတော့ ထွက်လာဖို့ ကို မပြောရဲကြ။ အဲဒီ့ အချိန်မှာ လယ်တီဆရာတော်ဘုရားကြီးက စစ်ကိုင်းတောင်ရိုးကို ကြွလာသည်။ ဂန္ဓာရုံဆရာတော် ဆရာတော်ဘုရားကြီးသတင်း ကြားရတဲ့အခါမှာ ကျောက်ဂူတံခါးကို ဖျက်ပြီးဝင်ကာ ဂန္ဓာရုံဆရာတော် ဘုရားကို ပွေ့ ထုတ်သည်။ ထိုအခါ ဂန္ဓာရုံ ဆရာတော် ကြီးက လယ်တီဆရာတော်ကြီးကို.. မလုပ်နဲ့ .. မလုပ်နဲ့  တရားမရမချင်း ဒီဂူထဲက မထွက်ဘူးလို့  ဓိဋ္ဌာန်ထား တာ.. လို့  ပြောလိုက်သည်။ အဲဒီ့အခါ မှာ လယ်တီဆရာတော်ကြီးက ဓိဋ္ဌာန်တာက ဂန္ဓာရုံ၊ ပွေ့ ထုတ်တာက လယ်တီ၊ ဘာဆိုင်လို့ တုန်း လို ပြန်ပြောပြီး အပြင်ကို ထုတ်ခဲ့ပါသည်။ ထို့ နောက် ဆေးကု၍ ကျန်းမာကာမှ ပြန်လည် တရားအားထုတ်ရာ ဂန္ဓာရုံ ဆရာတော်ဘုရားကြီး၏ မှတ်တမ်းအရ ပထမမဂ်၊ ဒုတိယမဂ်၊ တတိယမဂ် ရပြီး အနာဂမ် ဖြစ် ခဲ့သည်။ ထို့ နောက် တနေ့ တွင် လယ်တီဆရာတော် ဘုရားကြီးနှင့် ဂန္ဓာရုံ ဆရာတော်ကြီးတို့  စကားပြောကြရာ ------

ဂန္ဓာရုံ --- င့ါရှင်… စာထဲမှာ ဗုဒ္ဓနုဿတိပွားလို့  မဂ်ဖိုလ် မရဘူး ပြောတယ်။ တကယ်အားထုတ်လို့ ရတယ်ဆိုရင် အားထုတ်သူမှားလား၊ စာမှားလား။

လယ်တီ ---- စာလည်းမမှားဘူး၊ လူလည်း မမှားဘူး။

ဆရာတော်ကြီးတွေကတော့ ထပ်မံ မရှင်းတော့ပါဘူး။

ဗုဒ္ဓနုဿတိပွားသူသည် ပုံတော်ကို မြင်ယောင်တွေ့ သည်။ တွေ့ တဲ့အခါ ဂုဏ်ကို ပွားသည်။ ဂုဏ်က နက်ရှိုင်း ကျယ်ဝန်းလို့  မဂ်ဖိုလ်မရနိုင်။ ဒီမှာ သမာဓိက ဦးဆောင်နေသည်။ သဒ္ဓါက အဖော်လုပ်၊ ၀ီရိယ က လိုက်သည်။ သမာဓိက ကြည့်တော့ ပုံတော်ကို တွေ့ သည်။ သဒ္ဓါက ကြည့်တော့ ဂုဏ်ကို တွေ့  သည်။ သမာဓိနဲ့  သဒ္ဓါရှေ့ ရောက်နေပြီး ပညာက နောက်မှာ ယက်ကန်ယက်ကန် ပါလာမည်။ ဒီမှာ ပညာကို ရှေ့ ထွက်ကြည့်တဲ့ အခါ မှာတော့ အဆင်းရုပ်ကိုသာ တွေ့ ပါသည်။ ပုံလည်း မတွေ့ တော့၊ ဂုဏ်လည်း မတွေ့ တော့။ ဒီမှာပဲ မဂ်ဖိုလ်ကို ရနိုင်ပါသည်။

သုညတတွေ့ ချင်ရင် ၀ိပဿနာဥာဏ်ကို ရှေ့ တိုးကြည့်စေရပါမည်။ ဘုရားကို ကြည်ညိုသူရတဲ့ အကျိူးဟာ နှိုင်းလို့ မရ၊ တုလို့ မနိုင် ဖြစ်ပါသည်။ နိဗ္ဗာန်ရောက်တဲ့အထိကို ကောင်းကျိူးပေးပါသည်။


ဓမ္မဒူတ အရှင်ဆေကိန္ဒ ၏"နှိုင်းလို့ မရ.. တုလို့ မနိုင်" တရားတော်မှ ကောက်နှုတ်ဖော်ပြပါသည်။
တရားတော်ကို ဤနေရာ တွင် နာကြားနိုင်ပါတယ်။

စိတ်အေးချမ်းသာ ရှိကြပါစေ..

ကျမ မအားပါဘူး.. ဒီလိုပြောလိုက်ရင် ဂျီတော့ခ် တချိန်လုံး ဖွင့်ထားတဲ့အတွက် ပြီးတော့ တချိန်လုံး စိမ်းနေတဲ့ အတွက် ကျမကို မသင်္ကာ ဖြစ်ကြဦးမယ်.. တကယ် ကျမ မအားမလပ် ဖြစ်နေတာပါ…. ဘာတွေနဲ့  မအားလပ် ရတာလဲ ဆိုတော့……………. စိတ်ရှုပ်ထွေးပင်ပန်းမှုတွေနဲ့ ပေါ့…..။

သြော်.. ထိပ်ထားကတော့ လုပ်ချလိုက်ပြီ.. စိတ်အေးချမ်းသာ ရှိကြပါစေဆိုတဲ့ ခေါင်းစဉ်ကြီးတပ်ပြီး စိတ်တွေ ရှုပ်ထွေး ပင်ပန်းနေကြောင်းကို ပြောပါပေါ့.. ဒီလိုပါ.. ဒီ စိတ်ရှုပ်ထွေးမှုကနေ ကျမ ရလိုက်တဲ့ သင်ခန်းစာ လေး......။ ကျမရဲ့ စိတ်ရှုပ်ထွေးပင်ပန်းရခြင်းရဲ့ အကြောင်းကို ပြောပြပါရစေ… ပထမဆုံးက နေမကောင်းဖြစ်တာ၊ ပြီးတော့ လုပ်ငန်းခွင်ပိုင်းဆိုင်ရာ ပြဿနာအချိူ့ ၊ ကျမရဲ့ တာဝန် တစိတ်တဒေသ ဖြစ်တဲ့ လူထု အသိုင်းအ၀ိုင်း ဖွံ့ ဖြိုး တိုးတတ်မှု လုပ်ငန်း (Community Development) ရဲ့ ပြဿနာ အချိူ့ … တခုတည်းသော အကြောင်း ရင်းကတော့ ဒါတွေပေါ်မှာ လိုက်ခံစားနေတဲ့ ကျမရဲ့ အရူးစိတ်လေးကြောင့်ပါ။

ကျမဘ၀မှာ အကြိမ်ကြိမ် စိတ်ညစ်မှုတွေ၊ ၀မ်းနည်းမှုတွေ၊ စိတ်ရှုပ်ထွေးမှုတွေ ခံစားခဲ့ရပါတယ်။ ကျမ အကြောင်း သေချာစွာသိကြတဲ့ လူတွေကတော့ ပြောပြစရာ မလိုတော့ပါဘူးနော်။ (မသိသေးသူတွေ အတွက် တော့ ကြုံမှပဲ ပြောပြပါ့မယ်)။ ဒီလို ပင်ပန်းမှုတွေ စိတ်ညစ်မှုတွေ ဖြစ်လာတိုင်း … ပျော်ပျော်လေးပဲ နေချင်လိုက် တာ… စိတ်ညစ်တာတွေ မလိုချင်ဘူး… ဘာလို့ ငါ့မှာ ဒီလောက် စိတ်ရှုပ်ထွေးစရာတွေ ကြုံရတာပဲ… အားလုံးကို ငါအကောင်းဆုံးဖြစ်အောင် လုပ်ခဲ့တာပဲ… ဘာလို့  မပျော်ရွှင်နိုင်၊ မချမ်းမြေ့နိုင် ဖြစ်ရတာပဲ… ဒီမေးခွန်းလေးကို ငယ်စဉ်ဘ၀တည်းက အခုလက်ရှိအရွယ်ရဲ့ တခါတလေသော အချိန်တွေမှာ မေးမိခဲ့တယ်။ တကယ်တန်း ရလာ တော့ အဖြေက ရှင်းရှင်းလေးရယ်… ။ ကျမ စိတ်ညစ်တာလေ… တခါတလေကျတော့ ဖြစ်ပြီးတဲ့ အရာအတွက်၊ တခါတလေကျတော့ မဖြစ်သေးတဲ့အရာအတွက်။ ပြင်ဆင်မရနိုင်တဲ့ အရာတွေအတွက်နဲ့ .. မဖြစ်သေးတဲ့အရာ တွေအတွက်… ဘာလို့ စိတ်ညစ်ရတာလဲ.. ပြင်ဆင်လို့ မှ မရနိုင်တော့တာ စိတ်ညစ်နေလို့  လည်း မထူးဘူး… ဖြစ်မှမလာသေးဘဲ.. မဖြစ်နိုင်အောင် တားဆီးနိုင်စွမ်းရှိပါလျက် ထိုင်ပြီး စိတ်ညစ်နေလို့  ဘာမှ ဖြစ်မလာဘူး ရယ်လေ… ။

ပျော်ပျော်နေ သေခဲ တဲ့… ဟာသတွေ ထိုင်ဖတ်၊ ထိုင်နားထောင်၊ ထိုင်ကြည့်၊ ရယ်ရလွန်းလို့  အူတတ်ပြီး သေသွားနိုင်တာပဲနော်… :) … အခုအချိန်မှာ ကျမကို ပျော်ချင်လား၊ စိတ်ညစ်ချင်လား လို့  မေးရင် ဘာမှ မဖြစ် ချင်ဘူးလို့ ပဲ ဖြေရမှာပဲ….။ ဘယ်သူမှတော့ စိတ်မညစ်ချင်ဘူးပေါ့နော်.. ဒါပေမဲ့ ပျော်ချင်ကြတာပဲ မဟုတ်လား… အဲဒီ့ ပျော်ချင်တဲ့ စိတ်လေးရယ်ကြောင့်ပဲ ကိုယ်မဖြစ်ချင်တာဖြစ်လာခဲ့ရင် စိတ်ညစ်ကြရတာပေါ့.. ပျော်တဲ့အခါ အစွမ်းကုန်ပျော်မိသလောက်၊ စိတ်ညစ်ရတဲ့အခါမှာလည်း အစွမ်းကုန် စိတ်ညစ်ရတတ်ပါတယ်။ ပျော်စရာကြုံ လာလည်း အလွန် ပျော်ရွှင်မနေ၊ စိတ်ညစ်စရာကြုံလာရင်လည်း အလွန်စိတ်ညစ်မနေဘဲ ပုံမှန်အတိုင်း အေးချမ်း စွာနဲ့ နေနိုင်သင့်ပါတယ်…..။ ကျမရဲ့ စိတ်ရှုပ်ထွေးပင်ပန်းနေတယ်ဆိုတဲ့ အရူးစိတ်လေး တွေကို ဖျောက်ပစ်ဖို့  ကျမ တခုပဲ ရွေးချယ်ခဲ့ပါတယ်….။ တရားစာအုပ်တွေ ထိုင်ဖတ်ဖို့ ကိုပေါ့… အိပ်မပျော်လည်း တရားစာအုပ်ဖတ်၊ အားနေလည်း တရားစာအုပ်ဖတ်၊ ဒီလိုဆို ကျမ ပျော်လည်း မပျော်ဘူး.. စိတ်လည်း မညစ်ဘူး… စိတ်တော့ တအားချမ်းသာတယ်ရှင်….။ ကျမ မိတ်ဆွေတွေကိုလည်း စိတ်ချမ်းသာ စေချင်တယ်။ မပျော်ချင်ပါနဲ့ နော်… စိတ်လည်း မညစ်ပါနဲ့ .. စိတ်ချမ်းသာစွာသာ နေနိုင်အောင် ကြိုးစားပါရှင်..။

မေတ္တာဖြင့်

ထိပ်ထား

တနေ့ တော့

လောကမှာလေ.. ကျမတို့ တွေဟာ ချစ်ခြင်းတွေ မုန်းခြင်းတွေနဲ့  အတူတကွ အသက်ရှင်နေထိုင်ကြတယ်။ ချစ်တဲ့ လူတွေနဲ့ ဆို အကောင်းဆုံး ဆက်ဆံပြုမူ ပြောဆိုကြသလို မုန်းတဲ့လူတွေကိုတော့ ဆန့် ကျင်ဘက် သဘော ဆက်ဆံကြတယ်။ ဒီကြားထဲမှာမှ ဟန်ဆောင်တတ်သူတွေကတော့ မုန်းသူကိုလည်း ချစ်ဟန် ဆောင်တတ်ကြ တယ်။ ကျမတို့ ကိုယ်တိုင်မှာလည်း ချစ်တဲ့လူ မုန်းတဲ့လူ ရှိကြသလို သူတပါးအနေနဲ့ လည်း ကျမတို့ ကို ချစ်ကြ တာ မုန်းကြတာတွေ ရှိပါရဲ့… ။

ချစ်တဲ့နေရာမှာ ပုံစံမျိူးစုံနဲ့ ချစ်တတ်ကြပါတယ်.. အချိူ့ ကတော့ ချူပ်ကိုင်ချင်တယ်။ လွှမ်းမိုးချင်တယ်။ ပိုင်ဆိုင် ချင်တယ်။ အချိူ့ ကျပြန်တော့ ဂရုစိုက်ခံချင်တယ်။ အလိုလိုက်ခံချင်တယ်။ ဗိုလ်ကျချင်တယ်…။ ဒါကတော့ အတ္တကြီးတဲ့ ချစ်ခြင်းလို့ ပဲ ပြောရမှာပေါ့… ချစ်သူရည်းစား၊ လင်မယားရယ်မှ မဟုတ်ပါဘူး.. သားသမီး၊မိဘ၊ မောင်နှမ၊ မိတ်ဆွေသူငယ်ချင်း အချင်းချင်းကြားမှာလည်းပဲ ဒီလို ချစ်ခြင်းတွေ ရှိတတ်ပါတယ်နော်။ အချိူ့ က ကျတော့…. စိတ် ချမ်းသာစေချင်တယ်။ အနစ်နာခံတယ်။ ကောင်းရာကိုသာ ဖြစ်စေလိုတယ်။ နားလည်မှု ပေးတတ်တယ်။ ခွင့်လွှတ်သည်းခံတယ်။ သူတို့ ကတော့ စစ်မှန်သော မေတ္တာနဲ့ ချစ်ခြင်းပေါ့နော်။ ဒါဟာလည်းပဲ ချစ်သူရည်းစား၊ လင်မယား၊ မိဘ၊ဆွေမျိူး ၊ မိတ်ဆွေ အပေါင်းအသင်းတွေမှာလည်း တွေ့ ရတတ်ပါတယ်။ ကျမ ဘ၀မှာ ကျေနပ်မှု ရှိရတဲ့ အကြောင်းအရာတခုဟာ လည်း အဲဒီ့လို စစ်မှန်တဲ့ မေတ္တာချစ်ကြတာကို ခံရတဲ့ အတွက်ပါပဲ။

မုန်းတဲ့နေရာမှာလည်း အမျိူးမျိူးပဲ ကျမ သတိထားမိတယ်။ အချိူ့ ကျတော့ မကြည့်ချင်မမြင်ချင်ဘဲ မုန်းတာ။ အဲဒီ့လူတယောက်ကို တွေ့ မယ်ဆိုရင် အမြဲရှောင်ရှားတယ်။ မတွေ့ မိအောင် ကြိုးစားတယ်။ ဝေးဝေးမှာ နေတယ်။ အချိူ့ ကျတော့ မြင်လည်း မြင်တယ်။ ကြည့်လည်းကြည့်တယ်။ ရင်ထဲမှာ အမုန်းတရားက ပွားတယ်။ တခါမြင်ရ တိုင်း ပိုပို မုန်းလာတယ်တတ်။ မုန်းတဲ့သူကိုဆို မကောင်းတာမှန်သမျှ ဖြစ်စေချင်ကြတယ်။ (အမှန်တော့ မုန်းတာ တွေကို ကျမ သေသေချာချာ မပြောတတ်ပါဘူးရှင်။ ကျမ အနေနဲ့ တော့ ဘယ်သူ့ ကိုမှ မုန်းတီးဖို့ နေနေသာသာ ကြာကြာတောင် စိတ်မဆိုးတတ်ပါဘူး။ တခါတလေ အားနည်းချက် အသွင်ဆောင်ပေမဲ့ ကျမအတွက်ကတော့ သိပ်တန်ဖိုးရှိတာပါပဲ။)

ကျမတို့ တွေ တယောက်ကို တယောက်ချစ်ကြတယ်။ မိဘဆွေမျိူးတွေကို ချစ်ကြတယ်။ တိရိစ္ဆာန်လေးတွေကို ချစ်ကြတယ်။ ကိုယ့်စိတ်ထဲက နှစ်သက်တဲ့အရာတွေကို ချစ်တတ်ကြပါတယ်။ ကိုယ့်စိတ်သဘောလေးနဲ့  ကိုက်ညီတာလေးတွေကို ရွေးတတ်တယ်။ မကိုက်ညီတော့ မုန်းတာပေါ့နော်။ :)… တကယ်ကတော့လေ.. ကျမ
တို့  တွေဟာ သိပ်ချစ်လွန်းလို့  မဖြစ်မနေ ဒီအရာကြီးအတွက်ပဲရှာဖွေရ၊ ဒီအရာကြီးအတွက်ပဲ ပူပန်ရ၊ ဒီအရာကြီး အတွက်ပဲ စိုးရိမ်ရတဲ့ ဒီခန္ဓာကြီးတွေကိုတောင် အစိုးမှ မရပဲနဲ့  ကျမတို့  ချစ်တဲ့ မိဘ၊ ဆွေမျိူးမောင်နှမ၊ အပေါင်းအသင်း မိတ်ဆွေတွေကို မခွဲနိုင် မခွာရက် ဖြစ်ကြရတယ်။ ဘာတွေပဲ ဘယ်လိုဆိုဆို.. တနေ့ တော့ ခွဲကြရမှာ ဧကန်ပါပဲလေ……..။


ထိပ်ထား