သာသနာ မညှိုးစေချင်

ဒီနေ့ ကျမမိတ်ဆွေတယောက်နဲ့ စကားပြောဖြစ်ရင်းနဲ့ ဆူးလေနားက ဗလီကိစ္စကို ပြောဖြစ်ကြတယ်။ အဲဒီ့မှာ ကျမတို့ နှစ်ယောက်လုံးရဲ့ ခေါင်းထဲကို ၀င်လာတာ သာသနာတော် ညှိုးနွမ်းစေဖို့ လုပ်ဆောင်ကြတဲ့ လုပ်ရပ် တွေကိုပါ။ ကျမလည်း တော်တော်အတွေးလွန်သွားတယ်။ ကျမတို့ စိတ်ထားချင်းတူတဲ့ မိတ်ဆွေတွေချည်းပဲ ပြောရုံပြောနေ သိရုံသိနေကြမယ့်အစား ကျမတို့ရဲ့ မိဘတွေ မျိုးဆက်ကစတင်ခဲ့ပြီး ကျမတို့မျိုးဆက်တွေ မှာရော နောင်မျိုးဆက်တွေမှာပါ ဆက်လက်ကြုံတွေ့လာရမယ့် သာသနာကိုညှိုးနွမ်းအောင် ပြုမူနေတဲ့ လုပ်ရပ်တွေကို ကျမတို့ အားလုံး ၀ိုင်းဝန်းတိုက်ဖျက်သင့်တယ် မဟုတ်လား။ ဗုဒ္ဓဘာသာဝင်တယောက်အနေနဲ့ ဘယ်သူကဲ့ရဲ့ပါစေ ဘုရား မကဲ့ရဲ့အောင် နေရပါတယ်။ ဗုဒ္ဓဘာသာ ကောင်းတယောက် ပီသကြရပါမယ်။ သာသနာ ညှိုးနွမ်းစေတဲ့ လုပ်ရပ်တွေကို ကိုယ့်မျက်စိရှေ့မှာ မြင်နေလျက်နဲ့ ကိုယ့်နားထဲမှာ ကြားနေလျက်နဲ့ မသိချင်ယောင်ဆောင်နေကြမယ်ဆိုရင် ကျမတို့ဟာ သာသနာတော်အတွက် တာဝန်မကျေရာ ရောက်ကြ ပါလိ့မ်မယ်။

ဒီနေ့ဒီအကြောင်းတွေကို ရေးလိုက်တဲ့အချိန် လက်ခံနိုင်သူတွေလည်း ရှိမှာဖြစ်သလို လက်မခံနိုင်တဲ့သူတွေ လည်း ရှိလာပါလိမ့်မယ်။ စာကို ဖတ်ပြီး မုန်းချင်လည်း မုန်းသွားနိုင်ပါတယ်။ ကျမကို သူများမုန်းမှာ ကျမ မကြောက်ပါဘူး။ အဲဒီ့မုန်းတဲ့လူအရေအတွက် ၁၀၀ ဖြစ်ချင်ဖြစ်နေပါစေ ... ကျမရေးလိုက်ပြီးနောက်မှာ တယောက်လောက်က အသိလေးရသွားရင်ပဲ ကျေးဇူးတင်ကျေနပ် ၀မ်းသာပီတိ ဖြစ်ရပါမယ်။

မြန်မာနိုင်ငံရဲ့ အသက်သွေးကြောဟာ ဗုဒ္ဓသာသနာပါ။ သာသနာတည်သရွေ့ မြန်မာနိုင်ငံ မပျက်သုဉ်းနိုင်ပါဘူး။ သာသနာတိုးတတ်မှ မြန်မာတိုးတတ်မှာ ဖြစ်ပါတယ်။ ဗုဒ္ဓသာသနာကို လက်ဆင့်ကမ်းသယ်ဆောင်ပေးကြတဲ့ သံဃာတွေသည်လည်းပဲ မြန်မာနိုင်ငံရဲ့ အသက်တချောင်းမည်ပါတယ်။ ဆရာတော်ကြီးတွေရဲ့ ကျေးဇူးတော် ကြောင့် ဒီနေ့ဒီအချိန်ထိ ဒီထေရ၀ါဒ သာသနာတော် တည်ရှိနေပြီး ကျမတို့ နာရ ကြားရ ကျင့်ကြံအားထုတ်ခွင့် ရကြရတာပါ။ သာသနာတော်အတွက် အသက်ပင် ပေးဝံ့တဲ့ ကျေးဇူးတော်ရှင် ဆရာတော်ကြီးတွေရဲ့ ကျေးဇူး ကြောင့်ပါ။ သာသနာတော် ပြန့်ပွားရေးကိုသာ အစဉ်တစိုက် လုပ်ကြတဲ့ ဆရာတော်ကြီးတွေရဲ့ ကျေးဇူးဟာ အင်မတန်ကြီးမားလှပါတယ်။

ဒါပေမဲ့ အခုအခါမှာ သာသနာတော်ကို အတွင်းလှိုက်စားပြီး ဖျက်ဆီးနေကြတာတွေဟာ များလှပါပြီ။ မျက်မြင် သော်လည်းကောင်း၊ ကြားသိရခြင်းဖြင့် လည်းကောင်း .... ကျမတို့ သိလိုက်ရတဲ့အခါ အင်မတန်မှပဲ ၀မ်းနည်းစိတ်ဖြစ်ရပါတယ်။ ကျမတို့ရဲ့ ထေရ၀ါဒ သာသနာတော်ကြီး ပျက်စီးတော့မှာလားဆိုတဲ့ ထိတ်လန့်စိတ် တောင် ပေါ်ပေါက်လာပါတယ်။ တရားအကျင့် တကယ်အားမထုတ်ပါဘဲ တရားစာပေ တကယ် မသင်ကြားပါဘဲ သင်္ကန်းဝတ်ထားတဲ့ သံဃာတွေ ပေါ်ပေါက်လာတဲ့အတွက်ပါ။ ၂၂၇ သွယ် မပြောပါနဲ့။၈ ပါးသီလတောင်မှ မလုံ၊ ၈ ပါးလည်း ခဏထား.... ၅ ပါးသီလတောင် မလုံ့တလုံတွေဟာ သံဃာ့ဂုဏ်နဲ့ ညီညွတ်ပါတော့မလား။ ဘုရားလက်ထက်မှာတောင် ဒေ၀ဒတ်လို လူမျိုးဟာ သင်္ကန်းဝတ်ခဲ့ပါသေးတယ်။ ဘုရားလက်ထက်မို့ သာသနာတော်ကို ပျက်စီးအောင် မဖျက်စီးနိုင်ခဲ့ပေ မဲ့ သံဃာတွေကိုတော့ သင်းကွဲစေခဲ့ပါတယ်။ ဘုရားရှင်ရဲ့ လက်ထက်မှာတောင် ဒီလိုအဖြစ်မျိုးရှိခဲ့တာ ဒီခေတ် ဒီအခါမှာ ပိုလို့ဆိုးနိုင်ဖွယ်သာ ရှိပါတယ်။ ဘုရားရှင် မရှိတော့တဲ့နောက် သာသနာတော် နှစ်ငါးထောင်ကို ထားခဲ့ ရာမှာ သာသနာသန့်ရှင်းအောင် ပြန့်ပွားအောင်တော့ ထေရ၀ါဒ ဗုဒ္ဓဘာသာနွယ်ဝင် သူတော်စင်တွေရဲ့ တာဝန်ဖြစ်ပါတယ်။ တကယ် ဘုရားရှင်ကို ကျေးဇူးဆပ်ချင်ရင် ကိုယ်တိုင်လည်း နာယူကျင့်ကြံအားထုတ်ရမှာ ဖြစ်ပြီး ကိုယ့်ရဲ့ ၀န်းကျင်မှာ ရှိတဲ့ သာသနာညှိုးနွမ်းကြောင်းတွေကိုလည်း ဖယ်ရှားပစ်သင့်ပါတယ်။

သာသနာတော်ဟာ ဘယ်အရာကိုမှ ခုတုံးမလုပ်သလို ဘယ်အရာကမှလည်း သာသနာတော်ကို ခုတုံးမလုပ်သင့် ပါဘူး။ သာသနာတော်ဟာ ဘယ်သူ့ကိုမှ ခုတုံးမလုပ်သလို ဘယ်သူကမှလည်းသာသနာတော်ကို ခုတုံး မလုပ် သင့်ပါဘူး။ သာသနာတော်ဟာ လိုက်နာကျင့်ကြံအားထုတ်သူတွေကို အလိုအလျောက် အကျိုးရှိစေပြီးသားပါ။ သာသနာတော်ရဲ့ အများယုံကြည်ကိုးစားခြင်းခံရတဲ့ စွမ်းရည်ကို အသုံးချပြီး ဘယ်နေရာမှာမှ အမြတ် မထုတ် သင့်ပါဘူး။ သာသနာတော်ကို ခုတုံးလုပ်တဲ့သူဟာ သာသနာတော်ကို စော်ကားနေတာပါ။ သာသနာတော်ကို ညှိုးနွမ်းစေနေတာပါ။

ဒါယကာတွေအနေနဲ့လည်း

သံဃာတွေကို ငါနဲ့ကိုက်မှ ကိုးကွယ်မယ့်အစား ဘုရားလမ်းစဉ်နဲ့ ညီတဲ့သံဃာဟုတ်မဟုတ် စဉ်းစား သုံးသပ် ဆုံးဖြတ်ပြီးမှ ကိုးကွယ်သင့်သလို ငါနဲ့ကိုက်တိုင်း ကိုးကွယ်နေမယ့်အစား ဘုရားလမ်းစဉ်ကို လိုက်နာတဲ့ သံဃာတွေကိုသာ ကိုးကွယ်ဆည်းကပ်အပ်ပါတယ်။

သာသနာတော် သန့်စင်စွာ အဓွန့်ရှည်စေဖို့

ဆရာ၊ဒါယကာ ညီညွတ်စွာနဲ့ သံဃာမမည်သော သံဃာတွေကို ထောက်ပံ့ချီးမြှောက်ကိုးကွယ်ဆည်းကပ်ခြင်းမှ ရှောင်ကြဉ်ကြပါစို့.... လို့ အမုန်းခံပြီး ပြောလိုက်ပါတယ်ရှင်။

မေတ္တာဖြင့်
ထိပ်ထား