နှစ်သစ်မှာ..........

ဒီကနေ့ အဓိကအားဖြင့် ကျမ ပြောပြမျှဝေချင်တာလေးက သင်္ကြန်တွင်းမှာ ကျမ ကြားခဲ့ရ.. သိခဲ့ရ.. တဲ့ အကြောင်းအရာလေးနဲ့ အတူ နှစ်ကူးအတွက် ဆုတောင်းသတိလေး ပေးချင်တာပါ။

သင်္ကြန်နဲ့ အတူယှဉ်တွဲနေတာက သင်္ကြန်မိုး၊ ပန်းပိတောက်၊နဲ့ အေးမြရေစင် ဖြန်းပက်ခြင်းပါ။ ထိုမှ အတူ ပါလာ တာကတော့ သင်္ကြန်တွင်း ကုသိုလ်ပြုခြင်းတွေပါပဲ။ မြန်မာတို့ရဲ့ ရိုးရာ သင်္ကြန်ဟာ ထိုအရာတွေနဲ့ ထုံမွမ်း ထားတာပါ။ ထူးထူးခြားခြား နောက်ပိုင်းမှာ ထပ်တိုးလိုက်တာလေးတခု ကျမ တွေ့လိုက်ရမိတယ်။ ဒါက သင်္ကြန် တွင်း အရက်သောက်၊ ဘီယာသောက်တာတဲ့။ မဆိုင်လိုက်တာနော်။ ရိုးရာသင်္ကြန်ဟာ ရိုးရာ အမွေအနှစ် ကို ပြသခြင်းတရပ်ပါ။ ဒီမှာ မေးခွန်းလေးတခု မေးချင်မိတာကတော့ မြန်မာ့ရိုးရာ သင်္ကြန်ပွဲတော်ဟာ အရက် သောက်ပွဲကြီးလား ဆိုတာပါပဲ။ ကျမတို့ မြန်မာဆိုတာ ဗုဒ္ဓသာသနာတော်ရဲ့ အဆုံးအမနဲ့ ရှင်သန်နေကြတာပါ။ မြတ်ဘုရားမကြိုက်တဲ့ ကြီးလှစွာသော အကုသိုလ်ကံဖြစ်တဲ့ သုရာမေရိယ ကံကို ဘာလို့ ကျူးလွန်ချင်ကြသလဲ ကျမ နားမလည်နိုင်ဖြစ်ရပါတယ်။ သင်္ကြန်ရေအေးရဲ့ အချမ်းဒဏ်ပျောက်ချင်ရင် ရေနွေးသောက် ကော်ဖီ ပူပူလေး သောက်ပေ့ါ။ အရက်၊ ဘီယာနဲ့ တဆက်တည်းနောက်မှာ.... အနောက်တိုင်း အိမ်နောက်ဖေးလမ်းကြား ယဉ်ကျေးမှုလို့ ခေါ်တဲ့ ဘာမှန်းမသိတဲ့ အကတွေ ပါလာတာပါပဲ။ (ဒီအကြောင်းကို လွန်ခဲ့တဲ့ နှစ်နှစ်က အပြည့် အစုံ ရေးသားခဲ့ပါတယ်..) ဟီရိ သြတ္တပ္ပ တရား လက်ကိုင်ထားတဲ့ မြန်မာအမျိူးကောင်းသား အမျိူးကောင်းသမီး တို့မှာ အရက်ကလေး၊ ဘီယာကလေး ဗိုက်ထဲဝင်သွားတာနဲ့ အရှက်လည်းမဲ့ အကြောက်လည်းမဲ့ပြီး ဘာမှန်း မသိအောင် တွန့်လိမ်နေတာ ဘယ်လိုမှ ကြည့်မကောင်းတဲ့ မြင်ကွင်းပါ။ ဂုဏ်ယူဝံ့ကြွားစွာနဲ့ ရှိနေတဲ့ ကျမတို့ရဲ့ ရိုးရာသုခုမပညာတွေဟာ အဲဒီ့ တွန့်လိမ်တာလောက်မှ ကြည့်မကောင်းတော့ဘူးလား....။ ဒါလေးကိုတော့ သတိချပ်စေချင်ပါတယ် အမတို့ အစ်ကိုတို့.. ညီမလေးတို့.. မောင်လေးတို့ရေ...။

အရက်သောက်လို့ ခေတ်မှီတာလား.... ဒီမေးခွန်းလေးကတော့ နည်းနည်းဆန်းတယ်။ မြတ်စွာဘုရားက ဒါမလုပ်နဲ့.. အကုသိုလ်ကြီှးလှပါတယ် လို့ မိန့်တော်မူတယ်.... ဗုဒ္ဓဘာသာဝင် အမျိူးသား အမျိူးသမီးတွေက တော့ ဒါလေးသောက်မှ ခေတ်မှီတာ.. ဆိုတော့ကာ.... ဒီမေးခွန်းအတွက်တော့ အဖြေဟာ မလိုပါဘူး။ ကိုယ့်ကိုယ်ကိုယ်ပဲ သုံးသပ်တတ်ပါလိမ့်မယ်။ ခေတ်မှီတယ်ဆိုတာလေးရဲ့ သဘောကိုတော့ မျှဝေပေးပါရစေ။ ပညာအဆင့်အတန်း၊ ဗဟုသုတ၊ အတွေးအမြင်၊ စတာတွေကို ခေတ်ရဲ့ လျော်ညီစွာ တွေးခေါ်တတ်၊ သိနေဖို့ပါ ပဲ။ ဘယ်လိုဝတ်မှ ခေတ်မှီတာ၊ ဘယ်လိုစားမှ ခေတ်မှီတာ၊ ဘယ်လိုပြောမှ ခေတ်မှီတာ မဟုတ်ပါဘူး။ ခေတ်နဲ့ လျော်ညီစွာ တွေးခေါ် သိနေမှသာ ခေတ်မှီတာပါ။

အမျိူးကောင်းသား အမျိူးကောင်းသမီးတို့ အားလုံး တန်ဖိုးရှိတဲ့ အမျိူးမှန်တွေ ဖြစ်ကြစေချင်ပါတယ်။ နှစ်ကူး လက်ဆောင်လေးတခု ပေးချင်ပါတယ်ရှင်...
"အမျိူးမှန်ချင်ရင် သီလလုံပါ။ အမျိူးမှန်မှ အဖိုးတန်မယ်။ သီလမလုံတဲ့လူ အမျိူးမမှန်ဘူးမှတ်။ အမျိူးမမှန်မှတော့ ဘာတန်ဖိုးမှ မရှိတော့ဘူး"
ဥူးသုမင်္ဂလ (ဒယ်အိုးဆရာတော်)

ဒီကနေ့ ယခုအချိန်ဟာ နှစ်ဟောင်းကုန်ဆုံးခါစ နှစ်သစ်စတင် လာချိန်လေးပါပဲ.. ဒီလိုအချိန် အခါသမယလေး ကနေ စတင်လို့ လူသားအားလုံး အဟောင်းတွေကို စွန့်ခွာ.. အသစ်သော စိတ်တွေနဲ့ ၁၃၇၂ ဆိုတဲ့ နှစ်သစ်လေး ကို ဖြတ်သန်းကြရဦးမှာပါ။ တစက္ကန့် ကုန်ဆုံးသွားပြီးတိုင်းမှာ အသစ်တွေ ဖြစ်နေပေမဲ့ ကျမတို့ လို ခပ်နုံအအတို့ အဖို့မှာတော့ တနှစ်ကုန် နောက်တနှစ်ရောက်မှ အသစ်ဖြစ်တယ်လို့ ထင်ကြတယ်။ ဒီတော့ သူလို ကိုယ်လိုတွေ ချင်းမို့ နှစ်သစ်မှာ အသစ်သော စိတ်တွေနဲ့ ကျန်းမာသော ခန္ဓာကို ပိုင်ဆိုင်ရပြီး လောကဓံ တရားတို့ကို ခံနိုင်ရည် ရှိကြပြီးနောက် ဆင်းရဲကင်းရာသို့ သွားလိုသော စိတ်လေးမှာ မွေးတည်လာနိုင်ကြပါ စေ.... လို့ပဲ ဆုတောင်းလိုက်ပါတယ်ရှင်။

ကျမတို့တွေမှာတော့ အခက်သားရှင်... နိဗ္ဗာန်ဆိုတာ ဆင်းရဲကင်းတယ်လို့ မြတ်ဘုရားဟောထားတယ်။ ဒါပေမဲ့ ကျမတို့ဟာ အဲဒီ့ ဆင်းရဲကင်းတဲ့ နေရာကို သွားဖို့တောင် စိတ်ဓါတ်ကလေးတွေ မခိုင်မာကြဘူးနော်.. လောကီ အပူတွေကို ချမ်းသာမှတ်တယ်။ မမြဲတဲ့ တရားတွေကိုမှ ချမ်းသာမှတ်နေကြတဲ့ ကျမတို့မှာ ဆင်းရဲနဲ့ ကြုံရ တဲ့အခါ မနေနိုင် မထိုင်နိုင်နဲ့ ဆင်းရဲရလေခြင်းရယ်လို့ ငြီးတွားတတ်ကြတယ်။ ချမ်းသာလိုချင်သမျှတော့ ဆင်းရဲရဦးမှာပေ့ါရယ်နော်.....။ ကဲ.. ချမ်းသာချင်နေသမျှ ဆင်းရဲခံနိုင်အောင် ကြိုးစားကြပါ.. မခံနိုင်ရင်တော့ မချမ်းသာချင်ပါနဲ့ရှင်...။ ချမ်းသာချင်နေသမျှလည်း တနေ့ ဆင်းရဲရမှာပါလားဆိုတဲ့ သတိလေး အမြဲမပြတ် ရှိနေ ကြစေကြောင်း ဆုတောင်းသတိ ပေးလိုက်ပါရစေ။

နှစ်သစ်မှာ မင်္ဂလာအပေါင်းနဲ့ ခညောင်းပြီး စိတ်ရောကိုယ်ပါ ကျန်းမာချမ်းသာလျက် မကောင်းမှုရှောင် ကောင်းမှုဆောင် စိတ်ကို ဖြူအောင်ထားကာ အစဉ်ငြိမ်းအေးခြင်းတည်းဟူသော နိဗ္ဗာန်သို့ ရောက်လို ကြိုးပမ်း လိုပြီး တကယ်လည်း အားထုတ်နိုင် ရောက်နိုင်သော သူတော်စင်များ ဖြစ်ကြပါစေသတည်း....။

မေတ္တာဖြင့်
ထိပ်ထား