ခေတ်အမြင်နှင့် ဗုဒ္ဓဘာသာအကျဉ်း (မိတ်ဆက်)

ပြီးခဲ့တဲ့ ရက်သတ္တပတ် အနည်းငယ်အတွင်း အွန်လိုင်းမှာ ကျမ မိတ်ဆွေဟောင်း တယောက်နဲ့ ကြုံရပါတယ်။ ဒီမိတ်ဆွေက ဗုဒ္ဓဘာသာဝင်များအတွက် စေတမန်ဆိုတဲ့ ဆိုက်ဒ်ကို သွားသွားလည်ပတ် ဖတ်ရှုပြီး သူပြောတာ လည်း ဟုတ်သလိုလိုဆိုတဲ့ အတွေးဝင်လာပြီး ငါးပါးသီလကိုတောင် ဘုရားဟော ဟုတ်မဟုတ် မယုံကြည်ချင် စိတ် ဖြစ်လာပါတယ်။ ဒါပေမဲ့ ကျမကို မေးခွန်းပေါင်းများစွာ မေးပါတယ်။ အစပိုင်းမှာတော့ ကျမ တတ်နိုင် သလောက် ဖြေကြားပေးခဲ့တယ်။ သိသလောက် ရှင်းပြပေးခဲ့တယ်။ ဒါပေမဲ့ ထိုသူကတော့ ဆက်လက် သံသယ ၀င်တုန်းပါပဲ။ ဗုဒ္ဓဘာသာဝင်တယောက် ဖြစ်ပြီးမှ ဒီလိုသံသယ၀င်နေတာ သိပ်ကို ဆိုးရွားတဲ့ကိစ္စပါ။ အင်မတန်မှ သနားစရာကောင်းပါတယ်။ သူတဦးတည်း မဟုတ်ပါဘူး။ အားလုံးသော နဝေတိမ်တောင် ဖြစ်သွားသူများကို ဆိုလိုတာပါ။ ကိုယ့်သဒ္ဒါမခိုင်ရင် မသွားရောက် မဖတ်ရှုသင့်တဲ့ နေရာကို အစဉ်သွားရောက်ဖို့ မသင့်တော် ပါဘူး။ ဒါပေမဲ့ ၀မ်းသာစရာလို့ပဲ ပြောရမလား….. အဲဒီ့လူဟာ သိလိုစိတ် ရှိနေပါတယ်။ အမှန်တကယ် မြတ်စွာ ဘုရားရှင်ရဲ့ တရားတော်တွေကိုလည်း ယုံကြည်သတဲ့လေ။ မယုံနိုင်တာက ဇာတ်တော်တွေကိုပါတဲ့။ သဒ္ဒါမခိုင် ဉာဏ်မပါ ပါဘဲ မိမိရဲ့ လောကီအသိလောက်နဲ့ သံသယ မ၀င်သင့်တာကို သံသယ ၀င်လာတာဟာ အင်မတန် မှ ၀မ်းနည်းဖို့လည်း ကောင်းနေပါတယ်။ ဘာပဲဖြစ်ဖြစ် အဲဒီ့လူအတွက် ကျမ ပေးနိုင်တဲ့အကူအညီတခုဟာ ဓမ္မစာပေတွေ ဖတ်ရှုလေ့လာဖို့ပါပဲ။ လောလောဆယ်မှာ အဲဒီ့လူ ဖတ်ဖို့ စာအုပ်လေးတအုပ် ရှာပေးလိုက်ပါ တယ်။ အဲဒီ့စာအုပ်ဟာ သီရိလင်္ကာနိုင်ငံ၊ ကိုလံဘိုမြို့၊ ၀ဇီရာ ရာမ ကျောင်းတိုက် ပဓာနာ နာယက ဆရာတော် အရှင်ဘဒ္ဒန္တနာရဒ မဟာထေရ အင်္ဂလိပ်ဘာသာဖြင့် ရေးသားတော်မူတဲ့ “Buddhism in a Nutshell” စာအုပ် ကို ဒေါက်တာမင်းတင်မွန် ဘာသာပြန်ထားတဲ့ “ခေတ်အမြင်နှင့် သိမှတ်စရာ ဗုဒ္ဓဘာသာ အကျဉ်း” စာအုပ်ပဲ ဖြစ်ပါတယ်။ ဒီစာအုပ်ကို ဖတ်ဖူးသူများလည်း ရှိပါလိမ့်မယ်။ မဖတ်ရသေးသူများအတွက်ရော ဖတ်ပြီးမှ အကြိမ်ကြိမ် ဖတ်ရှုလိုတဲ့ ဓမ္မမိတ်ဆွေများအတွက်ပါ ရည်ရွယ်ပြီး တပိုင်းချင်းစီ ကျမ ပို့စ်တင်ပေးပါ့မယ်ရှင်။ စာအုပ်ထဲမှာက အင်္ဂလိပ်-မြန်မာ နှစ်ဘာသာ ပါပါတယ်။ စာအုပ်တအုပ်လုံးကို တင်မပေးလိုက်တာ ကျမလို မိတ်ဆွေတွေ များနေမှာ စိုးလို့ပါ။ စာတပိုင်းချင်းစီ ဖတ်ရတာ အဆင်ပြေပေမယ့် စာအုပ် တအုပ်လုံးကို အစ အဆုံးဖတ်ဖို့ရာ ကျတော့ တော်တော်နဲ့ မဖတ်ဖြစ်တော့ဘူးလေ  ….။ ပြီးတော့ စာအုပ်ကို www.dhammadownload.com မှာ ဒေါင်းလုပ် ရယူနိုင်ပါတယ်။

- ဗုဒ္ဓသည် နတ်ဘုရားလော၊ ကယ်တင်ရှင်လော။
- ဗုဒ္ဓသည် လူ့သမိုင်းမှာ အကြီးကျယ်ဆုံးပုဂ္ဂိုလ်တဦးဟု ဆိုပါသလား။
- ဓမ္မသည် ဒဿနာပညာလော၊ ဘာသာရေးလော။
- ဗုဒ္ဓ၏ ထူးခြားချက်များက ဘာတွေလဲ။
- ကမ္မနိယာမက မိမိ၏ ဘ၀ကံကြမ္မာကို မိမိ ဖန်တီးတယ် ဆိုပါလား။
- အတိတ်ဘ၀၊ နောက်ဘ၀များ ရှိခြင်းကို ဘယ်လိုယုံကြည်ရမလဲ။
- လောကမှာ ဆင်းရဲဒုက္ခ အလုံးစုံက ဘယ်လိုပေါ်ပေါက်လာလဲ။
- ကမ္ဘာတွေးခေါ်ပညာရှင်များက အနတ္တ၀ါဒကို ဘယ်လိုမြင်သလဲ။
- ကမ္ဘာလောကတခုလုံး မီးဟုန်းဟုန်း တောက်လောင်နေတယ် ဆိုပါလား။
- နိဗ္ဗာန်ကို အဘိဓမ္မာ၊ စိတ်ပညာ၊ ကိုယ်ကျင့်ပညာ ရှုထောင့်အသီးသီးမှ ဘယ်လိုရှုမြင်သလဲ။
- နိဗ္ဗာန်သို့ သွားရောက်နိုင်သောလမ်းက ဘာလဲ။ ဘယ်လိုသွားရမလဲ။

စတဲ့အကြောင်းအရာတွေ ပါဝင်တဲ့ စာအုပ်ကောင်းတခုပါ။ ပို့စ်တင်ပေးရာမှာတော့ တနေ့တာ အချိန် ပေးနိုင်သလောက်ကို စာရိုက်ပြီး တင်ပေးပါ့မယ်ရှင်။ ဒီအကြောင်း အရာတွေဟာလည်း ကျမတို့သည် လည်းပဲ သိသင့်သိထိုက်ပါတယ်။ ခေတ်အမြင်နဲ့ ဗုဒ္ဓဘာသာကို ပေါင်းစပ်ဖော်ပြပေးထားတဲ့ တန်ဖိုးကြီးတဲ့ စာအုပ်ပါပဲ။
ပထမဦးစွာ စာပိုဒ်လေး တပိုဒ်နဲ့ မိတ်ဆက်ပေးထားပါမယ်။

“ ဗုဒ္ဓဘာသာသည် သိပ္ပံပညာနှင့် ကိုက်ညီကြောင်းမှာ ယုံမှားဖွယ် မရှိချေ။ သို့သော် ၄င်းတို့ကို မျဉ်းပြိုင် အတိုင်းသွားနေကြသော သင်ပြမှုနှစ်ရပ်ဖြစ်သည်ဟု မှတ်ယူရမည်။ အဘယ့်ကြောင့်ဆိုသော် သိပ္ပံပညာ သည် ရုပ်ပိုင်းဆိုင်ရာ အမှန်တရားများနှင့် အဓိက သက်ဆိုင်၍ ဗုဒ္ဓဘာသာသည် ကိုယ်ကျင့်တရားနှင့် စိတ်ပိုင်းဆိုင်ရာ အမှန်တရားများကို အလေးထားသောကြောင့် ဖြစ်၏။ ဘာသာရပ်အကြောင်းအရာနှစ်မျိူး မှာ ကွဲပြားနေကြ၏။”

မိတ်ဆွေများအားလုံး… စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံ၍ စစ်မှန်သော အသိတရား(၀ါ) ဆင်ခြင်တုံတရားများနှင့် ပြည့်စုံကြပါစေ။

မေတ္တာဖြင့်

ထိပ်ထား